Við höfum öll hugmynd um það hvernig manneskjur við viljum vera.  Það getur verið gott að hugsa um það meðvitað til að við gerum okkur betri grein fyrir því hvernig sú hugmynd lítur út.  Þessi hugmynd segir okkur meðal annars hvernig við viljum bregðast við mismunandi aðstæðum, hvernig við viljum koma fram við aðra og hvernig við viljum að okkur líði.  Allt byggir þetta á því að við getum haft sjálfsstjórn.  Þegar við erum sú manneskja sem við viljum vera líður okkur vel.

Eftirfarandi spurningar geta hjálpað okkur við hinar ýmsu aðstæður:

• Er ég núna sú manneskja sem ég vil vera?

• Hvernig myndi það líta út núna ef ég væri sú manneskja sem ég vil vera?

• Er ég að fá það sem ég þarf út úr þessu?

• Er þetta mér mikilvægt?

• Hjálpar þetta mér til að fá það sem ég þarfnast?

Stóra spurningin er semsagt þessi:

Ert þú núna sú manneskja sem þú vilt vera?