G - Stendur fyrir grunnþarfirnar okkar. Við veltum fyrir okkur af hverju hegðun á sér stað, þ.e. hvaða þörf liggur að baki. Öll hegðun hefur þann tilgang að svala einhverri af þörfum okkar. Með því að finna hvaða þörf við erum að fullnægja með neikvæðri hegðun, getum við fundið hvernig hægt er að mæta þeirri þörf án þess að brjóta á öðrum og koma okkur í vandræði. Við reynum að finna jákvæða leið til að svala þörfinni.
Dæmi um spurningar sem við spyrjum eru:
- Hverju vildirðu ná fram með hegðun þinni?
- Hvað var það sem þú vildir?
- Hvaða áhrif hafði hegðun þín á aðra?
S - Stendur fyrir sannfæringu okkar. Við veltum fyrir okkur hvað okkur finnst mikilvægt og skoðum lífsgildi fjölskyldunnar, bekkjarins eða skólans. Með því reynum við að líta á jákvæðan hátt á hvernig við erum sammála um að hegðun ætti að vera og berum raunverulega hegðun saman við þá sannfæringu.
Dæmi um spurningar sem við spyrjum eru:
- Hver er sannfæring okkar um það sem gerðist?
- Hvað finnst okkur mikilvægt? Ertu sammála því?
M - Stendur fyrir manneskjuna sem við viljum vera. Allir hafa í hugskoti sínu mynd af þeirri manneskju sem þeir vilja vera og til þess að læra að breyta rétt þurfum við að bera raunverulega hegðun okkar við þessa mynd.
Dæmi um spurningar sem við spyrjum eru:
- Ertu manneskja sem vill lagfæra það sem fór úrskeiðis?
- Er þetta manneskjan sem þú vilt vera?
Nánari upplýsingar um þessi þrjú atriði finnur þú með því að smella á stafina efst á þessari síðu.